Астанадағы гүл дүкендерінің бірінде орнатылған дабылдаманың арқасында қарақшының ойы іске аспай қалды, деп хабарлайды Baq.kz ақпарат агенттігі patrul.kz сайтына сілтеме жасап.Ер адам ойыншық тапанша алып, гүл сататын дүкенді тонамақшы болды. Ол қалтасынан «қаруын» шығарып, сатушыдан кассадағы бар ақшаны беруді талап етті. Алайда, қаскөйдің жолы болмай қалды. Сатушы дабылдама нүктесін басып үлгерді. Сөйтіп, ер адамға ол жерден құр алақан қашуға тура келді.
Жедел-іздестіру шаралар барысында полицейлер күдіктінің кім екенін анықтап, қамауға алды.
Астана қаласы Алматы ауданының №2 сотының үкімімен ер адам ҚР ҚК 24, 191-бабы, 2 бабы 1-тарауы бойынша айыпты болып танылды. Ол 4 жылға бас бостандығынан айырылды.