1) Берік әрі берекелі шаңырақ 4 нәрсеге негізделеді: махаббат, сыйластық, сенім мен төзімділік. Сондықтан екі жас бұл төртеуінің бір-бірінен ажырамауын қадағалауы тиіс.
2) Бір-біріңіздің қателіктеріңізге кешіріммен қараңыздар.
3) Тек физикалық қана емес, рухани тұрғыдан өте жақын болыңыздар (сырласу, ақылдасу, кеңес сұрау т.б.).
4) Ара қатынастарыңызға ешкімді араластырмаңыздар.
5) Бір-біріңіздің мініңізді өзгелердің көзінше айтпаңыздар.
6) Бойдақтық өмірдегі «мен» дегенді ұмытыңыздар. Енді сіздер бір отау болдыңыздар. Сондықтан барлығы енді тек «біз», «біздікі» деген сөздермен байланысты.
7) Орынсыз қызғанышқа жол бермеңіздер.
8) Екі жақтың ата-анасын, туыстарын бірдей сыйлаңыздар.
9) Қатыгездік пен дөрекілік шаңырақты күйретіп, мейірімділік оның болаттай берік болуының бір кілті.
10) Отбасылық өмірде ер мен әйел өз міндеттерін толық, адал орындамайынша бақытқа қол жеткізе алмайды.