Музейдегі тағылымды кездесу

Аудандық тарихи-өлкетану музейінде «Жастар жылына» орай №210 О.Әбілпаттаев атындағы орта мектептің 10-сынып оқушыларымен «Жасампаз елдің жастары» атты кездесу өтті. Болашақ мамандық таңдауға бағытталған шара пікір-сайысқа ұласты.

Музей қызметкерлерімен кездесуде оқушыларға мамандықтың түрлері, олардың адам өміріндегі маңызы туралы түсінік берілді. Өз бейіміне сәйкес мамандық таңдай білу, кәсіби бағдар алу, түрлі жаттығулар арқылы таным процестерін дамыту, өз пікірін еркін айтып, өзгенің пікірін сыйлай білуге, жүйелі ойлау тұрғысында еркін пікір айтылды.

Шара барысында оқушылар белсенділік танып, мамандық таңдауда өздерінің ұстанымдары бар екендіктерін көрсете білді.

Музейді аралап, ондағы жәдігерлермен танысқан оқушылар, аудан тарихынан да хабардар болды.

Б.ЖАНӘЛІ