1.Туристік қызмет объектілерін салу, реконструкциялау кезінде кәсіпкерлік субъектілері шығын­дарының 10% өтеу (ҚР мәдениет және спорт министрінің 2021 жылғы 31 желтоқсандағы №415 бұйрығы);

2. Санитарлық-гигиеналық тораптарды ұстауға бағытталған кәсіпкерлік субъектілері шығындарын ай сайын 83300 теңге көлемінде субсидиялау (Қазақстан Республикасы Мәдениет және спорт министрінің 2021 жылғы 10 желтоқсандағы №382 бұйрығы);

3. Кәсіпкерлік субъектілерінің жол бойындағы сервис объектілерін салу жөніндегі шығындарының 10% өтеу (Қазақстан Республикасы мәдениет және спорт министрінің 2021 жылғы 30 желтоқсандағы №411 бұйрығы);

4. Жүргізушінің орнын қоспағанда, отыруға арналған сыйымдылығы сегіз орыннан асатын автокөлік құралдарын сатып алу жөніндегі туристік қызметті жүзеге асыратын кәсіпкерлік субъек­тілеріне шығындардың 25% өтеу (Қазақстан Республикасы мәде­ниет және спорт министрінің 2021 жылғы 30 желтоқсандағы №412 бұйрығы);

5. Әрбір шетелдік турист үшін келу туризмі саласындағы туро­пера­торлардың шығындарын 15000 теңге көлемінде субсидиялау (Қазақстан Республикасы мәдениет және спорт министрінің 2021 жылғы 15 желтоқ­сандағы №387 бұйрығы);

6.Тау шаңғысы курорттары үшін жабдықтар мен техника сатып алу бойынша кәсіпкерлік субъектілері шығындары құнының 25% өтеу (Қазақстан Республикасы мәдениет және спорт министрінің 2021 жылғы 29 желтоқсандағы №407 бұйрығы);

7.Қазақстан Республикасының аума­ғында кәмелетке толмаған жолау­шы­ларды әуемен тасымалдау кезінде туристік өнімге енгізілген билеттің құнын субсидиялау (Қазақ­стан Республикасы Мәдениет және спорт министрінің 2021 жылғы 7 желтоқсандағы №375 бұйрығы). Мемлекеттік қолдаудың осы тармағы бойынша балалар авиабилетінің 100% субсидияланады.

Жоғарыда көрсетілген тізбеден мем­лекеттік қолдаудың алғашқы 4 шарасы ЖАО (жергілікті атқарушы органдар) құзыретіне енгізілген, сонымен қатар жергілікті деңгейде қаралып, көр­сетіледі.

Кәсіпкерлік субъектілерінің туристік қызмет объектілерін салу, реконструк­ция­лау, жол бойындағы сервис объек­­тілерін салу, отыруға арналған сыйым­дылығы сегіз орыннан асатын автокөлік құралдарын сатып алу жөніндегі шығын­дарының бір бөлігін өтеу бойынша өтінімдер 1 наурызға дейін «Облыстық дене шынықтыру, спорт және туризм басқармасы» (әрі қарай – Басқарма) коммуналдық мемлекеттік мекемесінің мекенжайына жолданады.

Кәсіпкерлік субъектілерінің санитар­лық-гигиеналық тораптарды ұстауға жұм­саған шығындарының бір бөлігін субсидиялау бойынша өтінімдер 1 желтоқсанға дейін Басқарманың атына жолданады. Барлық өтінімдерді облыс әкімдігінің қаулысымен құрылған облыстық комиссия қарайды. Комиссия шешімдері Басқарманың сайтында жария­ланады.

Келу туризмі саласындағы тур­опера­т­орлардың шығындарын суб­си­диялау және кәсіпкерлік субъек­тілерінің тау шаңғысы курорттары үшін жабдықтар мен техника сатып алу жөніндегі шығын­дарының бір бөлігін өтеу бөлігінде мемлекеттік қолдау шараларын жүзе­ге асыру ҚР туризм және спорт министрлігінің құзыретіне кіреді.

Кәмелетке толмаған жолаушыларды әуе тасымалы кезінде туристік өнімге енгізілген билеттің құнын субсидиялау «Kazakh Tourism» Ұлттық компаниясы» акционерлік қоғамының құзыретіне кіреді.