Nasa айға арналған көлікті көрсетті
АҚШ Ғарыш агенттігі ғарышкерлерге арналған Айда жүретін көліктің түпнұсқасын көрсетті. Ұзындығы 5, ал биіктігі 3 метр болатын ровер екі ғарышкердің өмір сүріп, жүруіне арналған, деп хабарлайды «Хабар 24». Бірегей көлік сағатына 10 шақырым жылдамдықпен қозғалады. Ровер айға ғарышкерлерді аттандыруға бағытталған «Артемида» бағдарламасы шеңберінде жасалып жатыр. Осы айдың бас кезінде Аризонаның шөл даласында алғашқы сынақтар өткізілген болатын.
