Тіршілік тынысы Tirshilik-tynysy.kz ақпараттық агенттігі
» » » Жаңарған мәдениет ошағы

Жаңарған мәдениет ошағы

«Жас келсе, іске» демекші, Аманкелді ауылдық мәдениет үйінің директоры Гүлайна Қалдыбаева ұйымдастырушылық қабілетімен көпшіліктің жоғары бағасына ие болған. Өткен жылы білікті басшы бастаған іргелі ұжым мәдениет ошағына толықтай жөндеу жұмысын жүргізген болатын. Бүгінде таланттардың ордасына айналған ауылдағы еңселі ғимарат біршама өзгеріске енген.

Өз кезегінде кәсіпорын басшысы Гүлайна Нұртайқызы ауқымды жұмыс барысы жөнінде ақпар берді.

– Талай марқасқа талант иелері шыққан мәдениет үйіне былтыр жөндеу жұмысын жүргізген болатынбыз. Бұл ретте, ұжымның ұйымшылдығы бір сәтке сетінеген емес. Қайта жұдырықтай жұмылып, жақсы іске ұйыса білдік. Мәселен сахна пердесін өз қолымызбен қайта тігіп, арнайы стенд орналастырдық. Жаңа бөлме ашып, үйірме сабағын өткізуге лайықтандырдық. Жылу жүйесін жаңалап, бу қазандығын жөндеуден өткіздік. Сонымен қатар өнерпаздарға арналған бірнеше бөлмені қайта жасақтадық, өнер­паз­дарға сахна киімін тіктірдік, – дейді Гүлайна Нартайқызы.

Б.АЯБЕКҰЛЫ
02 шілде 2024 ж. 107 0