Шығармашылық табыс тіледі

Сырбойылық жас ақын Ақжол Түменбайдың есімі бүгінде халыққа жақсы таныс. Республикалық жыр-мүшәйраларының жеңімпазы және танымал әндердің авторы атанып, көпшіліктің ыстық ықыласына бөленіп жүрген талантты жас жақында ауқымды шығармашылық кешін ұйымдастырды.

Қызылорда қаласында ұйымдас­ты­рылған шығармашылық кешке сыр­­дариялықтар да арнайы барып­ қатысып, ақынның қуанышына ор­тақ­­­­тасты. Сол ортақ қуаныш­тың жал­­ғасы ретінде аудан әкімінің орын­­басары Димаш Байдушев аудан бас­­­шы­лығының және халқының аты­нан талантты ақынға құттықтау табыс­тап, шығарма­шылық сәт­тілік тіледі.

– Ақын – шабытты сезіммен ұштастырған талант, халықтың мақтанышы, дара дарын иесі. Сіз туған жердің төсінде талантты ақын ретінде танылып, әдеби ортада жақсы жетістіктерге қол жеткізіп келесіз. Бірнеше рет рес­публикалық, облыстық жыр-мүшәйраларының жеңім­пазы атандыңыз. Бүгінде Сыр өңіріндегі белгілі ақын-жазушы­лардың төл ізбасары болып, игі істердің ұйытқысы болып жүр­­сіз. Мұның бәрі Сіздің шы­ғар­­машылық әлеуетіңіздің жоға­ры және талантты екеніңізді білдіреді. Сыр өңірінің бас қаласы – Қызылор­дадағы шығармашылық кешіңіздің жоғары деңгейде ұйымдастырылуы өзіңіз үшін де, оқырмандарыңыз үшін де зор қуаныш болды. Жырға шөліркеген халықты өлеңмен сусындатып, өнердің биігіне бағыт ал­дыңыз. Лайым, талабыңыз оң болып, халықтың ыстық ықыласына, шынайы құрметіне кенеле беріңіз. Сізді шығармашылық кешіңіздің өтуі­­мен шын жүректен құттықтап, шы­ғар­­машылық сәттілік тілеймін! Қала­мы­ңыз қарымды, қадамыңыз алым­ды болсын! – деді аудан әкімі­нің орынбасары.

Құттықтау іс-шарасына айтыс­кер ақын Мұхтар Ниязов, аудандық мәде­ниет және спорт бөлімінің бас­шы­сы Жігер Айекешов куә болып, тілектестігін білдірді. Өз кезе­гін­де ақын Ақжол Түмен­бай аудан басшылығының, сырдариялық ті­лек­тес жұртшылықтың ниетіне, пе­йі­ліне ризашылығын айтып, аудан­ның биік белестерді бағынды­руы­на сәттілік тіледі.

«ТТ» ақпарат