Жібек республикалық байқау жүлдегері

Күн санап «Сұлу-ай» шығармашылық өнер орталығының шәкірттері орасан жетістіктерге қол жеткізуде.

Бұл жолы – әсем қала Алматыдан ақжолтай жаңалық келіп жеткен болатын. Республикалық «Жарқын болашақ» өнер орталығының ұйымдастыруымен VI «Жарық жұлдыз» балалар өнер байқауына Нағи Ілиясов ауылдық мәдениет үйі жанынан ашылған «Домбыра» үйірмесінің мүшесі Жібек Сейдулла қатысқан еді. Аталған байқауда «Аспапта ойнау» жанры бойынша бақ сынаған жас өнерпаз жүлделі ІІ орынды жеңіп алды. Күй өнеріне жаны құмар балғынның жетекшісі – Ботагөз Қалиасқарова.

Кәсіби маман Ботагөз Қалиасқарова өз шәкіртін жоғарғы деңгейде дайындағыны үшін ұйымдастырушылар тарапынан арнайы «Дипломға» ие болды.