ЖҮЛДЕМЕН ОРАЛДЫ

Үстіміздегі жылдың 20-22 сәуір аралығында Шымкент қаласында «Көктем гүлі - Әз Наурыз!» атты Республикалық өнер байқауы болып, байқауға Шіркейлі ауылдық мәдениет үйі жанындағы «Шаттық» халықтық үлгілі би ансамблімен, жаңадан жасақталған «Шаттық» кіші би тобы «Хореография» номинациясы бойынша кәсіпорын басшысы Нұржамал Жүзбаеваның жетекшілігімен қатысты. Бұл байқауда «Шаттық» халықтық үлгілі би ансамблі жүлделі І-орынды, «Шаттық» кіші би тобы ІІІ-орынды иемденді. Сонымен қатар Іңкәрдария ауылдық клуб үйінен ән үйірмесінің мүшесі, бүлдіршін өнерпаз Жұмабеков Халиолла (жетекшісі Жұмабекова Айгерім) «Эстрадалық вокал» номинациясы бойынша жүлделі ІІІ-орынды қанжығасына байлады. Жеңімпаз өнерпаздар Дипломмен, арнайы Кубокпен, медальдармен марапатталды.