Сазға бөлеген «Сәдуақасовтар» ансамблі

ҚР Тәуелсіздігінің 30 жылдығы мерекесі аясында аудандық мәдениет үйінде «Сәдуақасовтар» халықтық-отбасалық ансамбілінің «Шаңырағым шаттығым» тақырыбында шығармашылық концерті өткізілді. Шығармашылық кешке аудандық мәдениет және тілдерді дамыту бөлімінің басшысы Жеңіс Төрәлиев, кеш қонақтары қатысты.

«Сәдуақасовтар» халықтық-отбасылық ансамбілінің өнер ұжымында 15 адам бар. Отбасылық ансамбльдің құрылуына «ҚР Мәдениет саласының үздігі», «ҚР Білім беру ісінің үздігі», «Сырдария ауданының Құрметті азаматы» Сансызбай Сәдуақасов бастамашы болған. Алғаш рет киелі сахнаға осыдан 23 жыл бұрын шық­­қан ансамбль мүшелері жергілікті халық­тың ыстық ықыласына бөленіп келеді.

Кеш барысында «Сәдуақасовтар» ха­лық­­тық-отбасылық ансамбілінің орында­уында «Саранжап», «Той», «Әуен», «Ме­­­­­­­­­­­­­­­­­­­­­ло­дия» музыкалық шығармалары көп­­­­ші­­лікке ұсынылды. Сонымен бірге, жас әнші Қаламқас Сәдуақасова мен Нұ­­р­ай Сә­дуақасова, Мирас Сәдуақасов «Той базар» мен «Сәлем саған, туған жер», «Құтты ұям», «Бірлігіміз жарасқан» ән­дерін шыр­қады. Өз кезегінде жарасымды жұп Жандос Сансызбаев пен Гүлжанат Мұсаха­нова «Сен қасымда болмасаң», «Нурикамал» әндерімен, Ғалымжан Сансызбаев «Атырау» күйімен тыңдарман жүрегіне жол тапты. Кеш қонақтары «Балауса»  ха­лық­­тық би ансамбілі «Шаттық» биімен қойы­лым қойды.

– Біздің отбасымыз халық шығармашы­лығымен айналасып келе жатқанына ширек ғасырдан аса уақыт болды. Жыл са­йын дәстүрлі түрде халық алдына шығып, есеп беру кешімізді өткіземіз. Отбасы мүшелері жан басымен толығып, жаңа­ша серпін алып келеміз. Жеті нотаға құрал­ған ән өнерін ұрпағымызға үйре­тіп, репертуарымызға түрлі жанрдағы шығар­маларды қосып жатырмыз. Адам ұр­па­ғымен мың жасайды. Осыған дейін қол жеткізген жетістіктерімізде «Сә­дуа­қасовтар» халықтық-от­ба­сылық ансам­білінің мүшелерінің үлкен еңбегі бар. Қазір­гі таңда тыңдарманның талғамы өз­геше. Заман көшіне ілесіп, тың жобаларды жүзеге асырудамыз, – дейді  ан­­­­сам­­­бль жетекшісі Сансызбай Сәдуа­қасов.

Айта кетейік, «Сәдуақасовтар» халық­тық-отбасылық ансамбілі – облыстық, рес­пуб­ликалық байқаулардың жеңімпазы. Мәселен, ансамбль жақында Қазалы ауданында өткізілген күйші, қобызшы, музыкант Махамбет және Романқұл Әуезовтер атындағы облыстық «Қастерлеп жүрсін өнеріңді ұрпағың» байқауында бас жүлде иеленіп, мерейлері артқан.

Балтабай ОРДАБЕКОВ