Көркем сөз оқудан онлайн байқау
Жақында аудандық мәдениет және тілдерді дамыту бөлімі мен Н.Ілиясов ауылдық округ әкімдігінің қолдауымен, ауылдық мәдениет үйінің ұйымдастыруымен қазақтың ұлы ақыны Абай Құнанбаевтың 175 жылдығына орай «Сұлу сөз, көркем ойдың кемеңгері» атты аудандық көркем сөз оқу шеберлерінің онлайн байқауы өткізілді. Байқауға кент пен ауылдардан 18-30 жас аралығындағы 12 талапкер қатысты. Талапкерлер онлайн байқау барысында қазақтың бас ақынының өлеңдері мен қара сөздерін мәнерлеп оқыды. Олардың өнерлері онлайн түрінде сарапқа салынды.
Сайыс қорытындысында қазылар алқасының шешімімен нағилық Гүлзат Амангелдиева жүлделі бірінші орынды жеңіп алды. Екінші орынды бесарықтық Ғани Сейдәлі иемденсе, екі үшінші орынды Қалжан ахундық Інжу Дүйсенғалиева мен кент клубынан қатысқан Дәуіржан Жүнісов өзара бөлісті. Сондай-ақ арнайы жүлдеге айдарлылық Орынбай Оспан ие болды.
Жүлдегерлердің марапаты төтенше жағдай аяқталғаннан кейін салтанатты түрде тапсырылатын болады.
ШаҺарбек Нұрсейітов
