Ұлттық қолөнер – тәрбие көзі

Аудандық орталық кітапхана қызметкерлерінің ұйымдастыруымен Елбасы Н.Назарбаевтың «Болашаққа бағдар: Рухани жаңғыру» бағдарламалық мақаласы аясында  «Жұлдызды сәт» жобасы бойынша   «Ұлттық қолөнер – тәрбие көзі» атты кеш өтті.

Кеш барысында ҚР Суретшілер Одағының мүшесі Ж.Маханбет, он саусағынан өнері тамған тігіншілер А.Қожақова мен Н.Ажар алға қойған мақсаттары жайында айта келе, халық өнері шеберлік мұраларының қазіргі кезеңдегі жағдайы, сондай-ақ өнердің адамның дүниетанымына, сенімі, адамгершілік қасиеттері, эстетикалық талғамдарының қалыптасуына, алға қойған мақсаттарының айқындала түсуіне игілікті ықпал ететіндігі туралы ой-пікірлерін ортаға салды. Адамның көпшіл, қоғамшыл болып өсуі үшін де өнерлі болудың маңызы зор екендігіне тоқталды. Қолөнер шеберлері өз қолынан шыққан ең үздік бұйымдарын көрсетіп, жасалу технологиясымен таныстырды.

 

Ш.БАЛТАБАЙҰЛЫ