Поэзия кеші

Ә.Тәжібаев атындағы облыстық әмбебап ғылыми кітапханада жыр дүлділі Әбділда Тәжібаевтың шығармашылығына арналған поэзия кеші өтті. «Кеудесі шын ақынның күй сарайы» тақырыбында өткен кеш Сырдың толағай ақыны Әбділда Тәжібаевтың өрісті ой, өшпес көркем мұрасын жас ұрпаққа насихаттауды мақсат етті.
Шараға мектеп оқушылары қатысып, ақын өлеңдерін жатқа оқыды. Ә.Тәжібаевтың өмірі мен шығармашылығына арналған бейнебаянмен таныстырды. Сонымен қатар «Сырда туған сұңқар ақын» атты кітап көрмесін тамашалап, ерекше әсерге бөлінді.