КІТАП ПАТШАЛЫҒЫНА САЯХАТ

Ә.Тәжібаев атындағы облыстық әмбебап ғылыми кітапханасында балаларды кітап оқуға тарту және қызығушылығын арттыру мақсатында кітапханаға саяхат өткізілді.

Шараға қаламыздағы Ж.Нұрсейітов атындағы №233 орта мектептің бірінші сынып оқушылары мен ата-аналар қатысты.

Балаларға кітапхана жайлы тартымды да қызықты әңгімелер айтылды. Балалар жергілікті ақын Ә.Тәжібаев музейін тамашалады.

Келесі кезекте «Балдырған» залында «Веселый час с Агнией Барто» шарасы ұйымдастырылып, балалар ақыны А.Бартоның шығармалары таныстырылды.

«Знаю о книге все», «Угадай героя», «Из какой книги» викториналары өткізіліп, «Покажи героя» ойыны ойналды. Балалар «Веселый час с Агнией Барто» атты кітап көрмесіндегі жаңа әдебиеттермен танысты. Шара соңынан «Балдырған» залында балаларға қызықты мультфильм көрсетілді.

Алдағы уақытта мектеп оқушылары ата-аналарымен бірге кітапханаға саяхатқа келуін ұйымдастыру жалғасын табады.