Аумақтық сайлау комиссиясының құрамында барлығы 1 (бір) бос орын бар:

Аумақтық сайлау комиссиясында-1;

Жоғарыда аталған Конституциялық Заңның 10-бабының 3-тармағында «Әрбір саяси партия тиісті сайлау комиссиясының құрамына бір кандидатура ұсынуға құқылы. Саяси партия сайлау комиссиясының құрамына осы саяси партияның мүшелері болып табылмайтын кандидатура ұсынуға құқылы.

Мәслихат белгілеген, сайлау комиссияларын құру мерзіміне дейін он бес күннен кем болмауға тиіс мерзімде саяси партиялардың ұсыныстары болмаған жағдайда, мәслихаттар сайлау комиссиясын өзге де қоғамдық бірлестіктердің және жоғары тұрған сайлау комиссияларының ұсынысы бойынша сайлайды», - делінген.

Саяси партиялардан немесе өзге де қоғамдық бірлестіктерден сайлау комиссияларының құрамына ұсыныстар 2022 жылдың 28-ші желтоқсаннан бастап 2023 жылғы 11-қаңтар күнгі сағат 1900-ге дейін қабылданады. Белгіленген мерзімнен кейін түскен ұсыныстар қаралмайды.

Ұсыныста үміткердің тегі, аты, әкесінің аты, туған жылы, күні, айы, ұлты (үміткердің келісімімен), білімі, мамандығы, қызмет орны, атқаратын қызметі, қызметтік және пәтерінің телефон нөмірлері көрсетіліп, саяси партия немесе қоғамдық бірлестік жетекшілерінің қолы қойылған болуы керек.

Жоғарыдағы мәліметтерге мына құжаттар қоса тапсырылуы тиіс:

-саяси партия немесе өзге де қоғамдық бірлестіктің, сондай-ақ жоғары тұрған сайлау комиссиясының округтік немесе учаскелік сайлау комиссиясы құрамына үміткер ұсыну жөніндегі хаттамасынан үзінді;

-саяси партия немесе қоғамдық бірлестіктің әділет органдарында тіркеуден өткендігі жайлы құжатының көшірмесі;

-әрбір үміткерге белгіленген үлгідегі жеке іс парағы, жеке куәлігінің көшірмесі;

-аудандық мәслихат хатшысының атына сайлау комиссиясында жұмыс атқаруға келісімі туралы үміткердің жеке өтініші.

Сырдария аудандық мәслихаты аппаратының мекен-жайы:

120600, Сырдария ауданы, Тереңөзек кенті, Әлиакбаров көшесі №24

Құжаттарды жинақтауға жауапты тұлға аудандық мәслихаттың бөлімше басшысы С.Токманов, байланыс телефоны: 21-5-44.