Байқаудан жеңімпаз атанды

"Ақмешіт – адалдық алаңы" жобасы аясында Айдарлы, Жетікөл және Асқар Тоқмағанбетов ауылдық округіндегі білім беру мекемелерінде "Адал және сатылмайтын еңбек үлгісі" тақырыбында эссе жазудан байқау ұйымдастырылды.

Эссе байқауында оқушылар сыбайлас жемқорлыққа қарсы күрес жүргізу бағытындағы көзқарастарын ақ қағаз бетіне түсірді.

Эсселер қазақ және орыс тілінде жазылды. Жеңімпаз бен жүлдегерлерді "Нұр Отан" партиясы, аудан әкімдігі, білім бөлімі қызметкерлері мен мектеп мұғалімдерінен құрылған арнайы комиссия анықтады.

Конкурс жеңімпаздары мен қатысушыларға грамоталар, алғыс хаттар және арнайы сыйлықтар табыс етілді.

Айта кетейік, Сырдария аданында оқушылар арасында тақырыптық эссе байқауын өткізу дәстүрге айналған. "Ақмешіт – адалдық алаңы" жобасы аясында шығармашылық байқаулар аудандағы өзге де білім беру мекемелерінде жалғасын таппақ.

"Тт-ақпарат"