СЫРДАРИЯ ЖАСТАРЫ ҮН ҚОСҚАН ҚАНДАЙ ШАРА?

"Ақмешіт – адалдық алаңы" жобасы аясында сырдариялық жастар ауқымды іс-шаралар өткізіп, өздерінің сыбайлас жемқорлыққа қарсы екендіктерін көрсетті.
"Жалын" тынығу лагерінің базасында ұйымдастырылған іс-шараға ауданның белсенді жастары, жастар ұйымдарының өкілдері, "Жас Отан" жастар қанатының мүшелері қатысты.
"Жастар жемқорлыққа қарсы" тақырыбында өткен брейн-ринг пен акцияда бірнеше кезеңнен тұратын ойындар мен пікірталас ұйымдастарылды.
Аудандық "Жастар ресурстық орталығының" директоры Ғ.Оралов сөз сөйлеп, "Ақмешіт – адалдық алаңы" жобасы аясында өткізіліп жатқан іс-шараға қатысушы жастарға сәттілік тіледі және жас буын өкілдерін сыбайлас жемқорлыққа қарсы тұруға шақырды.
Іс-шаралар соңында акция мен брейн-ринг белсенді қатысушылар марапатталды.

Б.ОРДАБЕКОВ