Тіршілік тынысы Tirshilik-tynysy.kz ақпараттық агенттігі
» » Халықтың жаны, ұлттық болмысы

Халықтың жаны, ұлттық болмысы

Тіл – мемлекеттің тұғырлы тірегі, ха­лық­тың рухани байлығы, өткені мен бо­лашағының айқын көрінісі. Ана тілінің қадір-қасиетін біле білген халқымыз оны ұлттың рухына, қазына байлығына балайды. Себебі тіл – халықтың жаны, ұлттық болмысы.
Жер шарындағы кез келген мемлекеттің тілі, діні және ділі болатын болса, бүгінде кейбір ұлт өз ана тілінен айырылып жат­қанын білеміз. Ал егемендігін берік сақ­таған мемлекет үшін ана тілінің мәртебесі әркез асқақ.
Осы уақытқа дейін тіл мерекесі 22 қыркүйекте аталып келді. Ал өткен жылдан бастап «Қазақстан халқы тілдері күні» 5 қыркүйекке бекітілді. Тілдер мерекесі датасының өзгеруінің өзіндік себебі бар. Бұл күн – «Ұлттың сақталуына да, жоғалуына да себеп болатын нәрсенің қуаттысы – тіл» деген ұлағатты сөз қалдырған, қазақ халқының тағдыры мен тілі үшін күрескен Алаш арысы, ұлт ұстазы Ахмет Байтұрсынұлының туған күні. Сон­дықтан қазақстандықтар үшін атаулы мерекені осы күні атап өту маңызды.
Тілдер мерекесіне орай аудан­дық кітапханада апталық бас­талды. «Мәңгілік елдің – мәңгілік тілі» тақырыбымен бастау алған кітап көрмесіне аудан тұрғындары  қатысты. Ашық есік күні форматында өткен іс-шарада тіл тақырыбында жазылған кітаптар таныстырылып, олардың мазмұны түсіндірілді. Көрме жанында тұр­ғындар тілдің қадір-қасиеті жө­нінде пікірлерімен бөлісті.
Айта кетейік, мереке қарсаңында «Ұлт­тық рухтың негізі – ұлттық тіл» та­қы­рыбымен тіл сайысы, «Тілім менің – тір­лігімнің айғағы» атты тақырыптық кеш және өзге ұлт өкілдерімен «Тіл – татулық тірегі» фестивальдық сайысы өтетін болады.

Майя ҚОЖАБАЙ

03 қыркүйек 2019 ж. 720 0