ТУҒАН ЖЕРГЕ САҒЫНЫШ
Аудандық жастар ресурстық орталығының қолдауымен, Іңкәрдария ауылы әкімі аппаратының ұйымдастыруымен ауылдық клуб үйінде Н.Ә.Назарбаевтың "Болашаққа бағдар: Рухани жаңғыру" бағдарламасы аясында және "2019-жыл Жастар жылына" орай "Туған жерге сағыныш" тақырыбында аудандық жастар арасында патриоттық ән байқауы өткізілді. Байқауға ауданға қарасты ауылдық округтерден жастар қатысты.Аталмыш шараның мақсаты жастардың туған жерге деген құрметін арттыру, патриоттық сезімін ояту болып табылады.
Патриоттық ән байқауының бас жүлдесін Тереңөзек кентінен Баянсұлу Сағындықова, І орынды А.Тоқмағанбетов ауылынан Нұрхан Байділдаев, ІІ орынды Н.Илиясов ауылынан Нұрхан Нұрылдаев, ІІІ орынды Іңкәрдария ауылынан Әділет Бөбеш, Бесарық ауылынан Ботакөз Болатбек иеленіп, Алғыс хат пен бағалы сыйлық тапсырылды.
"Тт"-ақпарат
