СЫРДАРИЯЛЫҚ АҚЫН АҚТӨРЕ ИБРАГИМҰЛЫ ҚАНДАЙ ЖҮЛДЕГЕ ИЕ БОЛДЫ?

Ақын, Қазақстан Жазушылар Одағының мүшесі, "Шапағат" медалінің иегері Жанай Рүстем Ідірұлын еске алуға арналған облыстық мүшәйра өтті. Қазалы ауданында ұйымдастырылған іс-шараға барлығы 14 ақын қатысып, сырдариялық ақын Ақтөре Ибрагимұлы арнайы жүлдеге ие болды.

Арнайы жүлдені Рүстем Жанайдың жары Күләш Досжанова табыстады.

- Ақынды өзінің жарынан артық ешкім білмейді. Рүстем артына өшпес жалқы іс пен із қалдырған ардақты азамат. Мүшәйрада Рүстемнің азаматтық болмысын, мінезін, еңбегін, қарапайымдылығын жан-жақты аша білген бір ақынды аңғардым. Ол Сырдария ауданынан қатысқан Ақтөре Ибрагимұлы,- деді арнайы жүлдені табыстау сәтінде ақынның жары.

Айта кету керек, мүшәйрада сырдариялық ақын "Артында "Сөз патшасы - Өлең" қалған" және "Ақын болу - өлең болып өрілу" тақырыбында екі өлең оқыды.

«ТТ-ақпарат