ҚАБЫЛДАУ ӨТКІЗІЛДІ
Жақында "NUR OTAN" партиясы аудандық филиалының Қоғамдық қабылдау бөлмесінде облыстық партия филиалы төрағасының бірінші орынбасары А.Әлназарова облыстық мәслихат депутаты Р.Есенов және облыстық партия филиалы Қоғамдық қабылдау бөлмесінің меңгерушісі Н.Әбдікәрімов аудан азаматтарын жеке мәселелерімен қабылдау жасады.Қабылдауға аудандық мәслихат хатшысы Е.Әжікенов, аудандық мәслихат депутаты, аудандық мәслихаттағы "NUR OTAN" партиясы фракциясының жетекшісі Ж.Ембергенов Тереңөзек кенті әкімі Н.Бисембаев аудандық партия филиалы төрағасының бірінші орынбасары Е.Жақып қатысты.
Қабылдау барысында жұмыссыздық, әлеуметтік қамтамасыз ету, тұрғын үймен қамту, денсаулық сақтау саласына байланысты мәселелер қабылдауға келушілер тарапынан көтерілді. Барлық мәселелер назарға алынып, жауапсыз қалмайтындығы жөнінде заңдық кеңестер берілді. Сондай-ақ, облыстық, аудандық мәслихат депутаттары тарапынан жұмыспен қамту, әлеуметтік мәселелер оң шешімін тапты.
