Жақында «Нұр Отан» партиясы аудандық филиалының мәжіліс залында Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының орынбасарлары Б.Байхожаев пен Е.Қарымсақовтың жетекшілігімен қоғамдық қабылдау өткізілді. Қоғамдық қабылдауға «Нұр Отан» партиясы Орталық аппаратының партиялық бақылау қызметінің инспекторы А.Ысқақова, облыстық партия филиалының партиялық бақылау инспекторы Қ.Жарекеев, Қызылорда облысы әкімі аппаратының әдеп жөніндегі уәкілі Б.Ідірісов қатысты.
Қабылдауға келген тұрғындардың өтініштері кәсіп ашу, жұмыспен қамту және мемлекеттік көрсетілетін қызметтердің кейбір мәселелеріне арналды. Арнайы тұрғындар тарапынан келіп түскен сауалдарға жан-жақты заңдық тұрғыдан жауаптар берілді. Сондай-ақ, тұрғындардың өтініштері назарға алынып, тиісті сала мамандарына заң аясында шешілуіне ықпал жасалуын тапсырды.