«Нұр Отан» партиясы Төрағасының бірінші орынбасары М.Әшімбаев «Қоғамдық қабылдау: партияның басым бағыттарының бірі», – деп атап өткен болатын. Осы қоғамдық қабылдаулар арқылы қарашаның өзекті мәселелері билікке жетіп, оның оң шешілуінің жағдайлары қарастырылады.
«Нұр Отан» партиясы Сырдария аудандық филиалының Қоғамдық қабылдау бөлмесінде Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысындағы Әдеп жөніндегі кеңесінің мүшесі, Сыбайлас жемқорлыққа қарсы іс-қимыл Ұлттық бюросының (Сыбайлас жемқорлыққа қарсы қызмет) Қызылорда облысы бойынша департаментінің басшысы Әшірбаев Әділхан Хасымханұлы аудан тұрғындарын жеке мәселелерімен қабылдады. Аталмыш қабылдауға Сыбайлас жемқорлыққа қарсы іс-қимыл ұлттық бюросының Қызылорда облысы бойынша департаментінің орталық аймағы бойынша ауданаралық басқармасының басшысы Рахметов Қанат Нұрадинұлы, аудандық партия филиалы төрағасының бірінші орынбасары Е.Жақып және тиісті сала басшылары қатысты. Қабылдау барысында жұмыссыздық, кәсіпкерлік, коммуналдық шаруашылық және т.б. салаларға қатысты мәселелер қозғалды. Онда көтерілген мәселелер назарға алынып, сұрақ иелеріне нақты жауаптар берілді.