ЖАСӨСПІРІМДЕРГЕ ҚҰҚЫҚТЫҚ КЕҢЕС БЕРІЛДІ

Сырдария аудандық полиция бөлімінің ұйымдастыруымен жасөспірімдер арасында құқық бұзушылық оқиғаларын болдырмау  және олардың уақытын тиімді пайдалану мақсатында «Жалын» тынығу лагері тынығушыларымен акция өтті.

Іс-шара барысында кәмелетке толмаған жасөспірімдер арасында құқықтық кеңестер беріліп, судағы қауіпсіздік ережелері түсіндірілді. Құқық қорғау саласының мамандары, оның ішінде ювеналды полиция қызметкерлері акцияға қатысушылардың сұрақтарына жауап берді. Сала мамандары құқық бұзушылыққа жол бермеу керектігін атап өтті.

Сонымен бірге лагерь тынығушылары арасында спорттық сайыстар өткізілді. Кәмелетке толмағандар арасындағы мұндай шара ағымдағы жылдың 26 шілдесі мен 1 тамыз аралығында жасөспірімдердің бос уақытын тиімді пайдалану және құқық бұзушылықтың алдын алу мақсатында ұйымдастырылып отыр.