ЕРКІН ФОРМАТТА КЕЗДЕСУ ӨТКІЗІЛДІ

«Nur Otan» партиясы "Jas Otan" жастар қанатының Қызылорда облыстық филиалының төрағасы Т.Тілес "Ел тірегі жастар" тақырыбында жастар керуенінің шеңберінде ауданның бір топ жастарымен еркін форматта кездесу өткізді. Сырдария аудандық жастар ресурстық орталығының жаңа ғимаратында ұйымдастырылған кездесуге аудандық партия филиалы төрағасының бірінші орынбасары Е.Жақып қатысып, ауданда жүзеге асып жатқан жастар саясатына тоқталып, маңызды бағыт-бағдарды айтты.

Өз кезегінде "Jas Otan" ЖҚ облыстық филиалының төрағасы Т.Тілес аудан жастарымен ашық форматта жастар саясаты бойынша әңгімелесіп, жан-жақты түсіндірді.   Алдағы уақытта пікірлер тосында айтылатын ұсыныстар ескерілетіндігін айтты. Кездесу соңында ауданның белсенді жастары марапатталып, арнайы құрмет көрсетілді.

Б.ОРДАБЕКОВ