ЕРТЕҢ 204 ОҚУШЫ ҰБТ-ҒА ҚАТЫСАДЫ
Бүгін ауданға қарасты мектептердің бітіруші түлектері ҰБТ тапсыру мақсатында Қызылорда қаласына аттанды. Орталық алаңға жиналған түлектерге аудан әкімінің орынбасары Д.Байдушев сәт-сапар тіледі. Бұдан кейін «Сырдария ауданының әйелдері» қоғамдық бірлестігінің төрайымы Ұ.Жанәлиева барша жиналған көпшілікке аналық жылы лебізін білдірді. Шарада «Үздік аттестат» және «Алтын белгі» иегерлері аудан мерейін асқақтатуғасөз етті. ҰОС және еңбек ардагері, батагөй ақсақал Я.Тасыров жас түлектерге ақ батасын берді.Жалпы алғанда биылаудан бойынша 307 оқушы мектепті бітірді. Оның 204 оқушысы ертең білім сынығында бақтарын сынайды. Тағы да ерекше айта кететін жәйт мектеп бітіруші түлектердің ішінен «Үздік аттестат» иегерінің саны 18, «Алтын белгі» иегерлері 21 оқушыны құрап отыр.
Балтабай ОРДАБЕКОВ
