Мен үшін мемлекеттік қызмет - үл­кен абырой, парасат биігінің бастауы.

Облыс орталығындағы іргелі жоғар­ғы оқу орнын бітіріп, педагогикалық қызметке тұруға дайындалып жүрген­де бас маманның бос әкімшілік орны­на конкурс жарияланғанын интернет арқылы білдім. Мемлекеттік қызмет көрсету туралы заңмен таныстым. Кон­курс талаптарына сай тесттен өтуге дайындалдым, жоғары балл жинауға бар күшімді салдым. Нәтижесінде тест­тен ойдағыдай өттім. Осылайша мен өз туған жеріме ауыл әкімі аппаратының бас маманы болып орналастым. Онан бері екі жылдан астам уақыт өтті. Ауыл халқымен біте қайнаса жұмыс жасап келемін. Осы қызмет еткен уа­қыт ішінде ең алдымен халықтың ал­­дын­дағы қызметімді адал атқаруды мерейлі міндетім деп бірінші орынға қойдым. Өйт­кені халықтан биік еш нәрсе жоқ. Мемлекеттік қызметтің өз жүгі ауыр, алар асуы бар. Менің мін­детім – атқаруға тиісті жұмысымды жүйелі жасап, елдің алғысын арқалап, ауыл­дың өркендеуіне үлес қосу. «Ауылына қарап, азаматын таны» де­мекші, ауылдың өркен жайып көр­кеюі менің және халықтың отырып жұмыс жасауында екендігін жақсы білемін. Сондықтан өзімнің төл міндетімді барын­ша адал атқаратын боламын.

Бүгінгі күні мемлекеттік қызмет­шілерге үлкен міндеттер жүктеліп отыр. Мемлекеттік қызметшінің жұмы­сы терең білімділік пен іскерлікті ғана емес, үлкен жауапкершілікті де талап етеді. Сондықтан да, адам құндылығына қызмет ету қашанда мерейлі. Біздің кәсіби шеберлігіміз бен біліктілігімізге сенім артқан халықтың көңілінен шығу қашанда қиын. Қазіргі жаһанданудың өрелі биігіне қол созған кезде тәуелсіз елімізді өркендету жолында еселі еңбек ету мен үшін үлкен абырой. Бар білімім мен ата-анадан дарыған тәр­биені, ұстаздарым ұялатқан сана­лылық пен парасаттылықты танытуға, әріптестерімнің сенімінен шығуға бел будым.

Менің де, әріптестерімнің де мақ­сат-мүддесі Елбасының са­раб­дал сая­сатымен үндес. Мем­лекеттік қызмет қашанда мінсіз болуы тиіс. Себебі, елдің ертеңі соларға байланысты. Бір сөзбен айтқанда, олар билік пен халық арасын жалғайтын алтын көпірге айналуы тиіс.

Мен де бар қажыр-қайратымды өзі­ме тиісті функционалдық мін­де­тімді адал атқаруға жұмсап келемін. Жеткен жетіс­тігім – 2017 жыл қорытындысы бой­ынша ау­дандық қорғаныс істері бөлімінің грамотасымен марапат­талуым аз болса да атқарған еңбе­гімнің нәтижесі деп ойлаймын. Қазіргі заманғы халықтың өмір сүру деңгейін көтеру – кәсіппен шұғылданғысы келе­тін­­дерді арнайы курстарда оқытып, сертификаттар беру, сол арқылы кә­сіп көздерін ашуға мүмкіндік беру мемлекет тарапынан қолдау табуда. Осы салада ауыл тұрғындарымен ақыл­даса отырып, өз шама-шарқынша мүм­кіндіктеріне қарай бірнеше кәсіп көздері ашылды. Тігін цехы, наубайхана, компь­ютерлік қызмет көрсету, шұбат өн­діру, мал басын көбейту жобалары ұсы­­нылып, қазіргі таңда ауыл хал­қына тұрақты қызмет көрсетуде. Бұл жобаларды ұйым­дастыруда «Биз­­­­­­­несті дамытудағы ақпараттық тех­но­ло­гиялардың мүм­кін­­ші­ліктері» та­­­­­­­­­­­қы­рыбында өткен облыстық семи­­нар-тренингтің бағдарла­ма­сын иге­руімнің көп пайдасы тиді. Мемлекеттік қызметтегі әрбір адам өз елінің патриоты болуы тиіс. Бұқарамен байланысып, іскерлік қарым-қатынас жасауға мемлекеттік қызметшілердің үлгі бола білуі, қоғамның дамуына жол салар тұлға ретінде танылуы маңызды болмақ. Сондықтан, мем­лекеттік қызметші ре­тін­де өзімнің қоғамдағы рөлімді се­зініп, біліктілігімді үнемі арт­тыру, интеллектуалдық ой-өрісімді кеңейтіп отыру, ха­лық­пен ынтымақтастықпен ортақ тіл табысу, ең бастысы – адамдық қарым-қатынас жасау жүйесін қалыптастырып ке­ле­мін. Сонымен қатар, мемлекеттік қызмет әде­бін де сақтай білемін. Билік пен халық арасында тығыз байланыс орнамайынша, мәртебелі қызметтің мәртебесін көтерудің жөні де келе бермесі анық. Оған дәнекер болатын тағы да – мемлекеттік қызметші, яғни мен және менің әріптестерім.