ҚОС АРДАГЕРДІ ҚҰТТЫҚТАДЫ

Тағзым алаңына сап түзеп келген әскери қызметкерлер салтанатты түрде гүл шоқтарын қойды. Артынша, ел мен жерді қорғауда ерлік көрсеткен жауынгерлерге тағзым жасалып, жиналғандар құрмет көрсетті. Боздақтардың рухына Құран бағышталып, олардың Отан үшін жасаған ерліктері ешқашан ұмытылмайтыны айтылды.

Боздақтарға тағзым етілгеннен кейін аудандық Мәслихат хатшысы Е.Әжікенов Отан соғысының ардагерлерін «9 мамыр – Жеңіс күні» мерекесімен құттықтады.
Шарадан кейін аудан әкінің орынбасары Д.Байдушев қан майданның куәгерлері Я.Тасыров пен М.Бержановтың үйіне барып, құрмет көрсетті. Облыстық мәслихат депутаты Р.Есенов ардагерлердің отты жылдардағы ерліктері бүгінгі тыныш өмірді қамтамасыз еткенін айтты. Елге Жеңіспен оралып, бейбіт заманда ауданның дамуы жолында жасаған жемісті еңбектеріне алғыс білдіріп, жүрекжарды лебізін жеткізді. Сонымен қатар, облыс әкімі Қ.Көшербаевтың «Құттықтау хатын» табыс етіп, мерекелік сый-құрмет жасады.

Өз кезегінде Ұлы Отан соғысының ардагерлері майдан даласындағы естеліктерін айтып, Жеңіс мерекесіне орай құрмет көрсеткен барша қауымға алғыс айтты.

Боздақтарға тағзым етілгеннен кейін аудандық Мәслихат хатшысы Е.Әжікенов Отан соғысының ардагерлерін «9 мамыр – Жеңіс күні» мерекесімен құттықтады.
Шарадан кейін аудан әкінің орынбасары Д.Байдушев қан майданның куәгерлері Я.Тасыров пен М.Бержановтың үйіне барып, құрмет көрсетті. Облыстық мәслихат депутаты Р.Есенов ардагерлердің отты жылдардағы ерліктері бүгінгі тыныш өмірді қамтамасыз еткенін айтты. Елге Жеңіспен оралып, бейбіт заманда ауданның дамуы жолында жасаған жемісті еңбектеріне алғыс білдіріп, жүрекжарды лебізін жеткізді. Сонымен қатар, облыс әкімі Қ.Көшербаевтың «Құттықтау хатын» табыс етіп, мерекелік сый-құрмет жасады.

Өз кезегінде Ұлы Отан соғысының ардагерлері майдан даласындағы естеліктерін айтып, Жеңіс мерекесіне орай құрмет көрсеткен барша қауымға алғыс айтты.
"ТТ"-ақпарат