ТАУАРИШ БЕЛЯЕВ, ЕГЕР СІЗ...

1959 жылдың тамыз айында Талдықорған облысы таратылып, ендігі кезек Қызылорда облысын тарату жөнінде қаулының жобасы әзірленіп жатқан кез еді. Бұл кезде республиканы КПСС Орталық комитеті Президиумының мүшесі, Қазақстан Орталық Партия комиетінің бірінші хатшысы Беляев басқарып тұрған мезгіл болатын. Сонда да болса облыстағылар елмен, халықпен пікірлесуді мақсат тұтқан Беляев аймақты аралауға келеді. Тереңөзек ауданын аралап, Шағанда аудан, облыс басшыларымен кездесу өткізетін болды. Бұл жолда Қызылорда-Жосалы трассасының топырағы да үйілмеген, жол біткен ойлы-қырлы, қара жер ақшаңдақ топырақ еді. Зауал ауа Беляев облыс басшыларымен Шағанға келіп, аудан, облыс басшылары пікірлесті. Сонда Беляев облысты таратқалы жатқанын әңгіме етті. Ешкім үн қата алмады. Бір кезде Н.Бердіқұловқа қарап:

– Сіздің тәжірибеңіз мол басшы көрінесіз. Бұған қалай қарайсыз, – деп сұрақ тастады. Сол-сол-ақ екен Н.Бердіқұлов орнынан атып тұрды да: – Тауариш Беляев, Қызылорда облысы – Қазақстанның бұрынғы астанасы. Бүкіл қазақтың 95 проценті осы облыста тұрады. Егер Сіздер облысты тарататын болсаңыздар, 1930 жылдары Қазақстанды құртқан екінші Голощекин боласыздар, – деді. Отырғандар ду қол шапалақтап әкетті. Аудармашылар мұны сөзбе-сөз Беляевке жеткізді. Сәл ойланып қалған Беляев ойынан осылай қайтқан еді. Н.Бердіқұловтың арқасында Қызылорда облысы осылай тарқамай қалған болатын.

Б.ШЕРТАЕВ жазбасынан. 1994 жыл