КІРБАСЫҢ КІМ, КІРСІН...

1960 жылдың суық қысы, қаңтар айы еді. Әдет бойынша бірінші хатшының қабылдау бөлмесінде кезек күтушілер көп болатын. Қабылдау бөлмесіндегі қыз лып етіп ішке кірді де: – Сізге Кірбас деген кісі кіремін деп тұр, жұмысы өте тығыз екен, – деді. Сонда Нұрекең кабинетіндегілерге қарап:
– Алтынбасын көріп едік. Сарыбасын танитын едім. Кірбасын да көрейік, кірсін, – деді. Кірбас Сүндетбаев (марқұм) аупарткомға орталық партия комитетінен келген құпия пакетті қолма-қол тапсыруға әкеліп тұрған арнаулы байланыс қызметкері екен. Сәлем беріп, құпия пакет тапсырып жатқанда Н.Бердіқұлов Кірбасқа бұрылып:
– Талай-талай бастарды көріп едік, сені де көрдік. Кірбас болсаң, боларсың, – деді. Өзгелермен бірге Кірбас та күліп жіберді.

Б.ШЕРТАЕВ жазбасынан. 1994 жыл