Санаулы күндерден кейін табиғаттың ең шуақты мезгілі – көктем маусымы келетіні белгілі. Осыған орай, Сырдария ауданының оқушылары құстарға ұя жасап, табиғаттың көркі саналатын жаратылыс иелеріне құрмет көрсетті.

Аталған іс-шараны аудандағы №135 А.Тоқмағанбетов орта мектебінің «Жас Ұлан» ұйымы ұйымдастырды.

Айта кету керек, орта мектепте «Қазақстан – мейірімділік мекені» атты республикалық балалар бастамасы аясында арнайы жоспар құрылған. Жоспарға сәйкес, орта мектеп ұжымы «Құстар – біздің досымыз» тақырыбында ауқымды іс-шаралар ұйымдастырды.

Мәселен, 5-6 сынып оқушылары құстарға қамқор болып, жем шашып, ұялар жасады. Оқушылар қолымен жасалған ұялар мектеп ауласындағы талдарға ілінді. Оқушылар алдағы уақытта да осы тектес іс-шараларды ұйымдастыруды жоспарлап отыр.