Отбасы - бақыт мекені

Қашанда үздік болуға талпынған жастардың құлшынысы артып келеді. Мектеп қабырғасында жүріп-ақ, биік белесті бағындыру мақсатында өз қабілеттерін шыңдау үстінде. Сондай-ақ, мектеп оқушылары шығармашылықпен айналысып, өз шеберлігін жоғары дәрежеге көтеруді мақсат еткен. Осы орайда бұрнағы күні облыстық білім басқармасы мен Қызылорда облыстық сотының ұйымдастыруымен «Отбасы - бақыт мекені» атты 5-8 сынып оқушылары арасындағы жас суретшілердің облыстық байқауы өткізілді.

Шара барысында оқушылар отбасы құндылығын дәріптейтін туындыларын көпшілікке таныстырды. Сонымен қатар, отбасындағы татулықты қылқаламмен бейнеледі. Аталған жарысқа ауданнан №137 орта мектебнің 5-сынып оқушысы Н.Мансұров қатысып, жүлделі ІІ орын иеленді. Оның жетекшісі С.Бәйімбетова екенін айта кеткеніміз жөн.