СОҒЫС ЖӘНЕ ЕҢБЕК АРДАГЕРІ ЯХИЯ ТАСЫРОВ "ЖЫЛ АДАМЫ" АТАНДЫ

Соғыс және еңбек ардагері Яхия Тасыров 2018 жылдың қорытындысы бойынша "Жыл адамы" атанды.

Ардақты ардагерге құрметті атақты аудан әкімі Ғ.Қазантаев жыл қорытындысы бойынша өткен салтанатты іс-шарада табыс етті.

Айта кету керек, Ұлы Отан соғысының ардагері Я.Тасыров екінші дүниежүзілік соғысқа қатысып, бейбіт күнді сыйлаған ерекше үлес қосқан. Ол "Сырдария ауданының Құрметті азаматы".

Батагөй қария аудан көлеміндегі іс-шаралардың тұрақты қатысушысы. Аузы дуалы, батагөй қарт 90 жасқа толғанда облыс басшысы соғыс ардагеріне жеңіл тұлпар мінгізген болатын.