Сырдария ауданында ауданның аумақтық қорғаныс ротасының «Қалқан-2018» арнайы тактикалық оқу-жаттығуы өткізілуде.

Диверсиялық актілермен араңдатуларға қарсы қимылды пысықтау, жеке құрамды қабылдау және техникалық қабылдау пункті жұмыстарының дайындығын мен қару жарақты пайдаланудағы іс-құжаттарды тексеру мақсатындағы тактикалық оқу-жаттығуына аудан әкімі Ғ.Қазантаев қатысты.

Тактикалық оқу-жаттығуға қатысушыларға аудан әкімі сәттілік тіледі.

– Тәртіпке бас иген құл болмайды. Тәртіп, әскери дайындық бізге әркез қажет. Оқу-жаттығудың сапалы, нәтижелі аяқталарына сенім мол. Тиісті сала басшыларына нақты тапсырмалар берілді. Төтенше жағдайлардың алдын алу, халықтың қауіпсіздігін қамтамасыз ету – басты міндетіміз,-деді аудан басшысы.

Мұнан соң сала басшылары өздеріне тапсырылған жұмыстар жөнінде баяндады.

Оқу-жаттығу барысында ауданның қорғаныс ротасының құрамы сапқа тұрғызылды. Рота құрамы Тереңөзек кентіндегі «Жалын» тынығу лагеріне орналасады деп жоспарлануда.