Жақында Н.Ілиясов ауылдық модельді кітапханасында Қазақстан халқының тілдер күні мерекесіне орай мәдениет үйі қызметкерлері мен кітапхананың ұйымдастыруымен  ауыз әдебиетінің бай саласының бірі қазақ тілін келешек ұрпақтың бойына сіңіре білуге және туған жерін сүюге, қадірлеуге, бағалап мақтан етуге тәрбиелеу мақсатында «Тілден терең теңіз жоқ» атты топтық сайыс өтті. Шараға 13-16 жастағы мектеп оқушыларынан құралған «Жасұлан» және «Топжарған» топтары қатысты. Алты сайыстан тұрған шарада ауылдық әкімдіктің бас маманы Зәуреш Әбілмаржанова, мектептің педагог ұйымдастырушысы Қуанышбек Бисенбаев және мәдениет үйі қызметкері Райкүл Өтегенова қызылық етті.

Шара соңында жастарға тіл туралы, латын әліпбиі жайлы тереңірек мағлұматтар берілді. Нәтижесінде «Жасұлан» тобы  елу үш ұпаймен алға шығып, жеңіске жетті. Екі топта арнайы «Дипломмен» марапатталды.