«Сырдария аграрлы – техникалық колледжінің» директоры тағайындалды
Аудан әкімі Берік Сәрменбаевтың төрағалығымен актив отырысы өтті. Актив жиынында аудан басшысы кадрлық өзгерістерді таныстырды. Қызылорда облыстық білім басқармасы басшысының бұйрығымен «Сырдария аграрлы-техникалық колледжінің» директоры қызметіне Күзербаева Жанар Еркінбекқызы тағайындалды.Жанар Еркінбекқызы 1985 жылы Сырдария ауданында дүниеге келген. 2001-2006 жылдары Қорқыт ата атындағы Қызылорда мемлекеттік университетін «Тарих пәні мұғалімі» мамандығы бойынша бітірген. Еңбек жолын Тереңөзек кентіндегі №210 орта мектепте тарих пәні мұғалімі болып бастаған. 2012 жылдан бастап бүгінгі күнге дейін «Сырдария аграрлы-техникалық колледжінде» директордың оқу жұмыстары жөніндегі орынбасары қызметін атқарып келді.
Аудан басшысы жаңа басшының қызметіне сәттілік тілеп, колледждің білім сапасын арттыру, материалдық-техникалық базасын нығайту және білікті мамандар даярлау бағытындағы жұмыстарды жүйелі түрде жалғастыру қажеттігін атап өтті.
Сырдария ауданы әкімінің баспасөз қызметі
