Облыстық денсаулық сақ­тау басқармасының басшысы Алмас Әбілпаттаға бас дәрігер Жанар Жұмабаева аудандық аурухананың жұ­мыс барысын баяндап, жер­гілікті халыққа меди­циналық көмекті сапалы ұйым­дас­тыру тетіктерін айтты. Ең ал­дымен, басқарма бас­шысы өткен жылы ашыл­ған «Паллиативтік көмек» және «Медициналық оңалту» бө­лім­шесіне барды. Мұнда нау­қастардың жағ­дайын сара­лап, олармен пікір алмасты. Облыс бойынша 7 аудан мен Қызылорда қаласынан науқастарды қа­был­дайтын «Паллиативтік көмек» бөлімшесінің ақ халатты абзал жандарымен әңгі­мелескен басқарма басшысы ұдайы науқастарды жіті бақылауда ұстап, ден­саулығына мұқият күтім жасау керектігін алға тартты.

Бұдан кейін Алмас Әбді­ғап­парұлы аудандық ауру­­­­хананың бөлім­ше­лерінде болып, мате­риал­дық базамен жаб­дықталу ба­ры­­сына қанықты. Бұл ретте бүгінде қайта жаң­ғыртудан өтіп жатқан «Терапия» бөлімшесінің күр­делі жөндеу жұмысына қанықты. Уақытылы және сапалы жөндеу жұмысын аяқтауға тапсырма берді. «Қабылдау», «Жан сақтау», «Балалар» бөлімшесінің де қызметкерлерімен кездесіп, сырқаттанған балалардың ата-аналарымен кездесті.

– Сырдария ауданына жұ­мыс сапары барысында аудандық аурухананың қыз­метімен жан-жақты таныс­тым. Жалпы, меди­циналық мекеменің ма­териалдық-тех­никалық ба­засы кезең-ке­зеңімен жаңартылып, заманауи талаптарға сай қызмет көр­сету бағытында жүйелі жұмыс жүргізіліп жатқанын атап өткім келеді. Аурухана ұжымы тұрғындарға сапалы медициналық көмек көрсету жолында аянбай еңбек етуде. Әсіресе, ал­ғаш­қы медициналық-са­ни­­­тарлық көмекті дамыту, профилактикалық іс-ша­раны күшейту, ана мен бала денсаулығын қорғау бағы­тындағы жұмыстың басым бөлігі оң бағасын алуға лайық. Дәрігерлер мен орта буын медицина қыз­меткерлерінің кәсіби білік­тілігі мен жауапкершілігі жоғары деңгейде екені бай­қалады. Цифрландыру жүйесін енгізу, жаңа меди­циналық құрал-жаб­дықтарды тиімді пайдалану, кадр тапшылығын азайту бағытында атқа­рылып жатқан жұмыс та көңіл қуантады. Алдағы уақытта да аудандық аурухана тарапынан көрсетілетін қыз­мет сапасын одан әрі арттыруға барлық мүмкіндік бар деп сенемін. Жалпы алғанда, Сырдария аудан­дық ауруханасының ұжымы өңір тұрғындарының ден­саулығын сақтау жолында жүйелі әрі нәтижелі жұмыс атқарады. Бұл ба­ғыт­­тағы негізгі жобалар облыс­тық денсаулық сақтау басқармасының тұрақты бақ­ылауында болады, – деді Алмас Әбдіғаппарұлы.

Аудандық емхананы аралап көрген басқарма басшысы жергілікті халықпен кездесіп, аудан медицинасы жөнінде кеңінен әңгімелесті. Тегін дәрі-дәр­мекпен қам­тамасыз ету барысына қа­тыс­ты тұрғындар пікірін білді.

«Жалпы тәжірибелік» және «Маман­­дандырылған», «Күндізгі ста­цио­нар» бөлімшесінің мамандарына тұрғындармен ұтымды әрі нақты іс-әрекет арқылы байланыс орнату керек­тігін ескертті. Қашанда тұрғындар пікіріне құлақ асып, дертіне дәру іздеген тұрғындарға қолайлы орта қалыптастыру – ортақ міндет екенін жеткізді.

– 2026 жылдың басты жаңалығы – Сырдария аудандық ауруханасының базасында «PHILIPS» маркалы ком­пьютерлік-томографиялық аппарат пай­да­лануға берілді. Қырық мыңға жуық халық тұратын аудан тұрғындары алдағы уақытта жаңа аппараттың игілігін көре бермек. Жалпы алғанда, аудандық ауруханада 8 бөлімше 160 төсек орынға лайықтандырылған. Қазіргі уақытта құрамында «Балалар», «Хирургия», «Терапия», «Гинекология» және «Перзентхана», «Жұқпалы аурулар» бөлімшелері сырқатына дауа іздеген жергілікті тұрғындарға есігін айқара ашуда. Бұдан бөлек, «Жан сақтау» бөлімшесінің мамандары адам өміріне араша түсуде. Өткен жылы аудандық аурухананың жедел сатысын орналастыруға қомақты қаржы бөлініп, көпшілік игілігіне берілді. Қазіргі таңда Сырдария аудандық ауруханасында медициналық қызмет сапасын арттыру бағытында жүйелі жұмыс жүргізілуде. Соның бірі – «Терапия» бөлімшесінің күрделі жөндеуден өткізілуі. Бұл – науқастарға қолайлы жағдай жасап, емдеу үдерісінің тиімділігін арттыруға бағытталған маңызды қадам. Аурухана базасында бірқатар арнайы орталық ашылып, тұрғындарға көрсетілетін ме­ди­циналық қызметтің қолжетімділігі мен сапасы жаңа деңгейге көтерілуде. Заманауи талаптарға сай медициналық аппараттар алынуда. Бұл өз кезегінде диагноз қоюдың дәлдігін арттырып, емдеу шараларын уақытылы әрі сапалы жүргізуге мүмкіндік береді. Біздің басты мақсатымыз – халыққа сапалы әрі қолжетімді медициналық көмек көрсету. Осы бағытта қолға алынған жұмыстар алдағы уақытта да жалғасын табады. Аурухана ұжымы тұрғындардың денсаулығын нығайту жолында аянбай еңбек ете береді, – деді бас дәрігер.

Іссапар аясында басқарма басшысы облыстық меди­циналық «Же­­­дел жәрдем» стан­­циясының Сыр­­­­­дария аудандық бөлім­­шесінің қыз­мет­кер­­лерімен жүздесіп, олардың қыз­мет бағытын айқындады.