Осы орайда Сырдария ауданы әкімдігі жанындағы сыбайлас жемқорлыққа қарсы іс-қимыл мәсе­лелері жөніндегі комиссиясы құрылып, комиссияның жұ­мыс жоспары бекітілген. 2025 жы­лы комиссиясының 4 отырысы өткізіл­се, 2026 жылғы І тоқсандағы комиссия отырысын 30 наурызда өткізу жоспарлануда. Комиссия оты­­рыстарында жауапты меке­ме басшыларының сыбайлас жем­­қорлыққа қарсы іс-қимыл бағы­тында атқарылған жұмыстары баян­далып, олардың нәтижесі бойын­ша хаттамалық тапсырмалар беріліп, орындалуы қамтамасыз еті­леді.

Аудан әкімдігі жанындағы Әдеп жөніндегі уәкіл тарапы­нан лауазымдары сыбайлас жем­қорлық тәуекелдеріне бе­йім қыз­меткерлермен профи­лак­ти­калық іс-шаралар тұрақты түрде жүр­гізілуде. Сонымен қатар мем­лекеттік әлеуметтік тапсырыс шең­­­берінде «Қоғамдық санада сыбайлас жемқорлық көріністеріне жол бермеуді қалыптастыру» қыз­меті бойынша жыл көлемінде профи­лактикалық шаралар жүр­гізілді. Бұл бағыттағы жұмыстар 2026 жылы өз жалғасын табуда.

Мемлекеттік органдардың ұйым­­­дастыру жұмысының сапасын арттыру арқылы сыбай­лас жемқорлықтың алдын алу тиім­ділігін қамтамасыз ету мақсатында бар­лық мемлекеттік органдарда №4 Үлгілік базалық бағыты іске қосылды.

Осы ретте Үлгілік базалық ба­ғытты аудан аумағында іске асыру мақсатында 2026 жылға Жо­балық карта бекітілді. Жобалық карта 4 жобаны құрайды. Әр жоба бойынша жеке-жеке және қосымша тапсырмалар, олардың орындалуы, яғни басталу, аяқталу мерзімдері белгіленген. Бекітілген жобалық кар­­таға сәйкес, дербес бөлімдер мен оларға бағынысты квазимемлекеттік сектор субъек­тілерінің сыбайлас жем­­қорлық тәуекелдеріне ішкі талдау жүр­гізіліп, аудан әкімдігінің ресми сайтына жариялануы қам­тамасыз етіледі.

Сыбайлас жемқорлыққа қарсы комплаенс аясында аудан әкімдігіне қарасты квазимемлекеттік сектор субъектісінде сыбайлас жем­қорлыққа қарсы іс-қимыл туралы заңнама талаптарын сақтау мәсе­лелері бойынша 2025 жы­лы комплаенс офицерлермен бар­лығы 160, ағымдағы жылдың І тоқ­са­нында 16 құқықтық оқыту ұйымдастырылды.

Бұдан бөлек, қоғамда сыбай­лас жемқорлыққа қарсы мәде­ниет­ті қалыптастыруды күшейту мақ­сатында аудан бойынша қоғам дертіне қарсы бағыт­­талған 15 бил­борд, 1000 дана жадынама әзір­леніп, мем­лекеттік органдардың, әлеуметтік нысандардың, халыққа қыз­мет көр­сету орталығының стенд­­­­теріне орналастырылды. Осы ба­ғыт­­та арнайы әзірленген бейне­роликтер қоғамдық орындарда жә­не әлеуметтік желіде кеңінен таратылып, көрсетілуде.

Сондай-ақ Сырдария ауданы бо­йынша барлық деңгейдегі әкім­дердің сыбайлас жемқорлықтың алдын алу бағытында қабылдаған шаралары туралы 15 авторлық мақала жергілікті басылымға жария­ланды.

Сыбайлас жемқорлыққа қарсы заңнама нормаларын сақтау жобасы бойынша тиісті жұмыстар өз деңгейінде жүргізілуде. Ағымдағы жылы мемлекеттік органдармен Сыбайлас жемқорлыққа қарсы заң­нама нормаларын сақтамау факті­лері орын алған жоқ.

Азаматтарға құқықтық көмек көрсету мақсатында «Халық заң­гері» жалпы республикалық акциясы өткізілді. Акция барысын­да заңгерлер, адвокаттар мен мем­лекеттік орган өкілдері тұрғын­дардың барлық сұрақтарына жа­уап беріп, заңнамалар шеңберінде көмек­тер көрсетті. Барлық елді мекенде халық­тың құқықтық ақпа­ратқа қол жет­кізуін қамтамасыз ету мақ­сатында «Құқықтық кабинеттер», «Электронды үкімет» веб-пор­талы арқылы кез келген қызмет түрін алу мақсатында «Өзіне-өзі қыз­­мет көрсету бұрышы», мекеме ғи­марат­тарында жеке және заңды тұлғалардың өз мұқтаждары мен ұста­нымдарын білдіру мүмкіндігін қамтамасыз ету мақсатында «Жеке және заңды тұлғаларды қабылдау кестесі», «Азаматтар мен заңды тұл­ға­лардың өтініштерін қабылдау» жәшігі орнатылған.

Жалпы ауданда сыбайлас жем­қор­лық тәуекелдерін болдырмау бағытында тұрақты түрде жүйелі жұмыстар жүргізілуде. Сыбайлас жем­қорлыққа қарсы іс-қимыл бар­ша­мыздың ортақ міндетіміз және жергілікті атқарушы орган саласында сыбайлас жемқорлықтың алдын алу бағытында алдағы уақытта да жүйелі жұмыстар өз жалғасын табатын болады. Қоғам дертімен күресте барлығымыз атсалысуымыз керек.