Қарапайым жұмысшы маман­ды­ғынан еңбек жолын бастаған Нұрхан Орысбайұлы түрлі салада қызмет етеді. Әр жылдардағы аудандық ішкі істер бөлімінің қауіпсіздік бөлімінде, аудан әкімдігінде, қаржы бөліміндегі шаруашылық меңгерушісі ретінде қызметі ұзақ жылғы еңбек өтіліндегі шыңдалу кезеңі болды.

Мемлекеттік мекемеге қызметке келмес бұрын алдымен колледж­де бух­гал­терлік есеп және аудит маман­дығы бойынша білім алып, содан соң университетте экономист мамандығы бойынша жоғарғы білім алып келеді. Яғни кент әкімі аппаратында салық инспекторы қызметін бірнеше жыл бойы атқарып, аудандағы экономика және бюджеттік жоспарлау бөлімінде инспектор болып қызметке ауысады. Қазіргі кезде экономика мен қаржы бөлімінде маман.

Экономист қай кезде де мақсатын дұрыс қойып, ең аз шығынға басым­дық беретін маман. Қызметінде білімін үнемі жетілдіруді талап ететін­діктен, мекеменің қаржылық нәтижелеріне үлкен жауапкершілік жүктеледі.

– С.Сейфуллин ауылында туып-өстім. Осындағы мектепті бітірдім. Әкем Орысбай кеңшарда 30 жыл бойы құрылыс есепшісі болып қызмет еткен азамат. Анам Бахыткүл – 9 пер­зентті дүниеге әкелген Батыр ана. Бауыр­ларым түрлі салада еңбек етеді. Ал мен әке жолын қуып есеп-қисапқа жүйрік болдым. Болашағымды осы мамандықпен байланыстыруды жөн көріп, жоғары білім алдым. Ауданда жауапты қызмет атқарып, аудан экономикасын, нақтырақ айтқанда мәдениет саласы бойынша келіп түскен бюджеттік өтінімдердің дұрыс­тығын тексеру, мониторинг жүргізу және қабылдауға жауаптымын, – дейді білікті маман.

Нұрхан Орысбайұлы мәдениет саласындағы штат бірліктеріне және еңбекақы қорына талдамалық зерттеу жүргізеді. Сонымен қатар «Ауыл – ел бесігі» бағдарламасымен бекітілген жобалармен жұмыс жасайды. Негізгі міндеті бойынша облыстық басқармаға есебін жолдап, үйлестіреді. Бұл жауапты жұмысқа жауапкершілікпен қарап, қоғамдық жұмыстарға атсалысу, белсенді болу маманның міндеті.

Аудандағы ең күрделі салада қызмет атқарып келе жатқан тәжірибелі маман өзіне жүктелген мін­­детті абыроймен атқаруда. Мем­­­­ле­кет­тік мекеменің белді маманы кәсіби дағдысымен эконо­ми­ка саласына үлес қосып, табан­дылығы мен ұқыптылығының арқа­­сында қабілетімен ерек­ше­ленеді. Еңбекқорлығы мен ұйым­дас­тырушылық қасиеті, көлемді ақпаратпен жұмыс жүргізудегі шебер­­лігі оның өмірлік ұстанымына айнал­ған.

Саланың жүгін арқалап, аудан экономикасына үлес қосып келе жатқан Нұрхан Орысбайұлы жұбайы Айгүл Арысбаевамен бірге ұл-қыз өсіріп отырған үлгілі отбасы.