Бөлім басшысы тағайындалды

Сырдария ауданы әкімінің өкімімен Ахетов Ерлан Дәуітбекұлы Сырдария аудандық экономика және бюджеттік жоспарлау бөлімінің басшысы лауазымына тағайындалды.

Ахетов Ерлан Дәуітбекұлы 1980 жылы Сырдария ауданы Тереңөзек кентінде дүниеге келген.

Білімі жоғары, 2005 жылы Қызылорда инженерлік-экономикалық институтын «экономист» мамандығы бойынша бітірген.

Еңбек жолын 2001 жылы Сырдария ауданы Қалжан ахун ауылдық округінде салық инспекторы лауазымынан бастаған.
Әр жылдары Сырдария ауданы әкімі аппаратында жетекші маман, бас маман-есепші, Сырдария аудандық экономика және қаржы бөлімінің басшысы, Сырдария аудандық қаржы бөлімінің басшысы, Сырдария аудандық экономика және бюджеттік жоспарлау бөлімінің басшысы, Қызылорда облысы бойынша тексеру комиссиясының бас маманы-тексерушісі, Сырдария ауданы әкімінің орынбасары, Сырдария аудандық кәсіпкерлік, өнеркәсіп және туризм бөлімінің басшысы қызметтерін атқарған.

Осы уақытқа дейін, Сырдария аудандық кәсіпкерлік, өнеркәсіп және туризм бөлімінің басшысы лауазымын атқарып келді.