Қасым-Жомарт Тоқаев Душанбе қаласына сапармен барды
Президентті халықаралық әуежайда Тәжікстан Премьер-министрі Кохир Расулзода қарсы алды. Бұл туралы Ақорданың баспасөз қызметі хабарлады, деп жазады KAZINFORM Бүгін Мемлекет басшысы Тәжікстан Президенті Эмомали Рахмонмен кездесу өткізеді және «Орталық Азия — Ресей» саммитіне қатысады.
Еске салсақ, осыдан бұрын Мемлекет басшысы 9-10 қазан күндері Тәжікстан астанасына сапар шегетіні хабарланды.
Ертең Қазақстан Президентінің ТМД мемлекеттер басшыларының кеңесі отырысына қатысуы жоспарланған.
Фото: Ақорда
