Ата заң – тұрақтылықтың кепілі

Осыдан 30 жыл бұрын республикалық референдумда қабылданған Қазақстан Республикасының Конституциясы тәуелсіз мемлекеттің конституциялық дамуының жаңа кезеңіне жол ашты. Ол конституциялық құрылыстың, қоғамдық-саяси институттардың құқықтық негізін құрып, адам мен азаматтың конституциялық мәртебесін айқындап берді.

Құқықтық мемлекет құру мен қоғамды демократияландыру – қай­шылықты, ұзақ та күрделі процесс. Бұл біздің жас мемлекетіміздің аяғынан қаз тұру жолынан да жақсы байқалады. Тоталитарлық жүйеден демократиялық қоғам өміріне өту қажеттілігі айқын болған күннен бастап-ақ Қазақстан тұрғындарының алдында ең алдымен Қазақстан мем­лекетінің егемендігі мен тәуел­сіздігін қорғау міндеті тұрды.

Бұл орайда демократияны дамыту – меншік қатынастарын реформалау мен нарықтық экономикаға өту экономиканы тығырықтан алып шығудың, ұлттық мемлекеттің қалыптасуына қолайлы жағдай туғызудың толассыз жолы. Саяси саладағы басты мақсат – жас егеменді мемлекетті қуатты рес­публика етіп қалыптастыру. Біздің мемлекетімізде барлық азаматтың теңдігі, барлығының заң алдындағы бірдей жауапкершілігі, кімнің қай ұлтқа жататындығына қарамастан, бірдей екендігі әуелден-ақ нақты көрсетілген. Әрине кейбір жағдайда жергілікті ұлт – қазақтардың мүддесі ерекше ескеріледі. Мұндай жағдайға ұлттық мәдениетті, тілді өркендету, қазақ диаспорасының рухани-мәдени және басқа да байланыстарын қалпына келтіру, олардың өз Отанына қайтып оралуына қолайлы жағдайлар туғызу жатады.

Республика азаматының негізгі құқықтарымен қатар міндеттері де Конституцияда анық тұжырымдалған.

Біздің Конституциямыз бойынша Қазақстан халқы егемендіктің иесі, республикадағы мемлекеттік биліктің жалғыз қайнар көзі болып табылады.

Қазақстан Республикасы Конс­титуция­сының жетінші бөлімі толы­ғымен соттар және сот төрелігіне арналған.

Ата Заңымыз бойынша Қазақстан Республикасында сот төрелігін тек сот қана жүзеге асыратындығы бекітілген.

Еліміздің кез келген азаматы өз құқығы мен бостандығын сот арқылы қорғай алады.

Олжас ДҮЙСЕНОВ,

Сырдария аудандық соты әкімшісінің аға сот приставы

Фото: Ашық дереккөзден