Мемлекеттік қызметшілер өз мін­деттерін тиісті деңгейде орындау мақ­сатында олардың тарапынан әдеп кодексін бұзушылықтардың алдын алу және болдырмау бағытында түсіндірме жұмыстарын жүргізу қажет.

Осы бағытта Департамент тарапынан мемлекеттік қызмет туралы заң­наманы, қызметтік әдепті бұзу фактілерін болдырмау және әдепсіз мінез-құлық жағдайларының алдын алу мақсатында 2025 жылдың қаңтар-мамыр айларында 74 түсіндіру шаралары жүргізілді.

Оның ішінде, мемлекеттік ор­ган­дарға бару арқылы 34 шара өткі­зіліп, мемлекеттік қызметшілерге «Мемлекеттік қызметшілерімен заң­на­­мада көзделген шектеулерді, мем­лекеттік қызметшілерінің әдеп кодексінің талаптарын сақтау» тақы­ры­бында семинарлар өткізілді.

Осы жылдың сәуір-мамыр айларында Қызылорда облысының сани­­тариялық-эпидемиологиялық бақылау департаменті, Қызылорда қала­лық санитариялық-эпиде­миоло­гиялық бақылау басқармасы, Қызыл­орда облысы бойынша Қазынашылық департаменті және ҚР Денсаулық сақтау министрлігі медициналық және фармацевтикалық бақылау коми­­тетінің Қызылорда облысы бойынша департаменті, ҚР сот әкім­­шілігінің Қызылорда облысы бойын­ша департаменті, Қызылорда облысының әділет департаменті, ҚР Бәсекелестікті қорғау және дамыту агенттігінің Қызылорда облысы бойын­ша департаменті қызметкерлерінің қа­ты­суымен сол ұжымдарда семинарлар ұйымдастырылды.

Сондай-ақ, сәуір-мамыр айларында Департамент басшысы Е.Мендалиев ҚР Президентінің жанындағы Мемлекеттік басқару академиясының Қызылорда облысы бойынша филиалында 5 рет дәріс оқыды.

Семинарлар барысында құмар ойын­мен ойнауға шектеу қойылғаны, шектеуді сақтамаған жағдайда мем­лекеттік қызметші жұмыстан босатылатыны қатаң ескертілді және 2025 жылғы 10 қаңтардағы №156-VIII ҚРЗ Қазақстан Республикасы «Қазақстан Республикасының кейбір заңнамалық актілеріне мемлекеттік қызмет мәсе­лелері бойынша өзгерістер мен толықтырулар енгізу туралы» Заңының талап­тарымен таныстырылып, оның ішінде мемлекеттік қызметке кіру шарт­тары мен тәртіптік жаза қолдану мәселелеріне түсіндірме берілді.

Бұдан бөлек, ҚР Президентінің 2024 жылғы 17 шілдедегі №602 Жарлығымен бекітілген Қазақстан Республикасының мемлекеттік қыз­метін дамытудың 2024-2029 жылдарға арналған тұжырымдамада көрсетілген бас­тамалармен таныстырылып, мем­ле­кеттік қызмет жүйесін дамыту мақ­сатындағы қабылданатын шаралар туралы ақпарат берілді.

Осы жүргізілген профилактикалық жұмыстардың нәтижесінде Әдеп жө­нін­дегі кеңесте қаралатын тәртіптік істердің саны жыл сайын азаюда.

Жүргізілген семинарлардың басты мақсаты – мемлекеттік қызметшілердің тәртіптік теріс қылық жасау және әдепсіз мінез-құлық жағдайларының алдын алуға бағытталған.