Бүгінде қырық мыңға жуық аудан халқы мен алыс-жақын қала, облыстағы тұрақты оқырман­да­ры­­на қызмет етіп отырған аудан­дық газеттің шетелдерде де оқырманы қалыптасқанын мақ­­танышпен айтып өту орынды. Қазіргі таңда жас әрі білікті маман­дармен толыққан редакция ұжымы газеттің мазмұнын байытуға әркез жұмыс істеп, мамандар ұдайы ізденіс үстінде жүреді. Жыл бойындағы атаулы дата­ларға байланысты уақытша ай­дар­лармен бірге тұрақты айдарлар бойынша тұшымды мақалалар жазып, көрермен көзайымына ай­нал­ған газет мамандары оқыр­ман үдесінен шығу жолында аян­бай еңбек ете бермек. Осы ретте аудандық газеттің ресми сайты мен әлеуметтік желідегі парақ­шалары заман талабына сай тәулік бо­йына оқырманға ақпарат таратып, жүйелі жұмысты үйлестіріп келеді.

Айта кетейік, биылғы Жеңістің 80 жылдығына орай жыл басы­нан бері арнайы бет әзірлеу жұмыстары тұрақты жүргізіліп келеді. Сондай-ақ журналистер «Жұмысшы мамандықтар жылына» орай адал еңбегімен лайықты құрметке ие болған жандар туралы қалам тербеп жүр. Және бұл аудандағы төл басылым бол­ғандықтан, ауылдық округтерге сапарлап, ауыл жаңалықтарын да басылым бетінен түсірмеуге жүйелі жұмыс жасаудамыз. Тұрақ­ты авторлардың әңгіме, проза, аудар­малары да оқырманның биік бағасына ие болып отыр. Нақ­тырақ айтар болсақ, газеттің тақы­рыптық ауқымы жаңғырып, жаңа­рып, соған сай газет дизайны да жанданып келеді.

Осы ретте ойлы оқырманға 2025 жылдың ІІ жартыжылдығына газетке жазылу науқаны бас­тал­ғанын хабарлаймыз. Жыл са­йын дәстүрлі түрде аудандық басы­лымға жазылатын мекемелер мен тұрақты түрде қолдау көр­сететін демеушілеріміз бар еке­нін мақтанышпен айтқымыз ке­ле­ді. Газет оқырманымен құн­ды. Бір газетке жазылу яки жазылуға мүмкіндігі жоқ жанға демеу­шілікпен бір газет болсын жаз­дырып беру – түгел ұлтқа, тілге, қазақ басылымына көрсетілген қолдау деп білеміз. Осы ретте, Дархан Ералиев, Жеңісбек Сыздықов, Алмас Есназар, Ғалым Абызбаев, Дәулет Дәукенұлы, сон­­дай-ақ жергілікті кәсіпкерлер Мақсұт Әбілдаев, Мәдина Омарова сияқты бірқатар жылы жүректі, мейірімді азаматтар ардагерлер мен аудан тұрғындарына сый жа­сап, газетке жаздырып беріп, игі іс­ке үлес қосып келеді.

Айта кетейік, газетке жазы­лу маусымы басталысымен ең алғаш­қылардың бірі болып толықтай жазылған мекемелерді «Ұжым болып оқиық» айдары бойынша газетке шығарып отырамыз. Осы рет­те ІІ жартыжылдық бо­йынша №131 Т.Қозыбаев атындағы ор­та мектебі жоспарды жүз па­йыз орындағанын, үлгілі тізімді №137 С.Сейфуллин ауылындағы мек­теп ұжымы, №174 Жетікөл ауы­лын­дағы мектеп жалғастырып тұр­ғанын айтып өту қажет.

Газет – бүгін мен ертеңді жалғайтын алтын көпір, тағы­лымды тарих. Оның үстіне, аудан жаңалықтарының жаршысы әр­бір шаңыраққа жетуі қажет деп білеміз. Смартфон мен электронды ақпаратқа бұл күнде сұраныс жоғары. Десек те баспадан жаңа шық­қан газет парағының иісі мен оны парақтап отырып тұшына оқу­дың өзі жанға жайлылық сыйлайды. Және бұл тарихи құжат жыл­дан жылға өз құндылығын жоймай сақталады. Әсіресе үлкен кісі­лердің күншуақтап газет оқып отырғанын көргенде, ұтымды ма­қа­­ла үшін алғысқа бөленгенде, «газетке жазыламыз» деп қол­дау көр­сеткенде уа­қытымыздың құр өтіп жатпағанын шы­найы сезі­­неміз.

Газет – тарих, газет – құнды­лық. Ендеше төл газет сіздің де тө­ріңіз­ден табылсын, ардақты оқыр­ман!