Осыған байланысты елде патологиялық құмар ойындарға тәуелділіктің алдын-алу бойынша бірқатар шаралар қабылдануда.

Өткен жылы шілде айында «Сыбайлас жемқорлыққа қарсы іс-қимыл туралы» Қазақстан Республикасының Заңына (бұдан әрі – Заң) толықтырулар енгізілді. Соған сәйкес мемлекеттік қызметшілерге құмар ойындар ойнауға тыйым салынады және олар теріс себептермен жұмыстан шығарылуға жатады.

Талдау шеңберінде мемлекеттік қызметшілердің құмар ойындарға қатысуы бойынша сыбайлас жемқорлыққа қарсы шектеулерді сақтамау фактілері анықталды.

Атап айтқанда, Сырдария аудандық санитариялық-эпидемиологиялық бақылау басқармасының басшысы Заң талаптарын бұза отырып, «Olimpbet» KZ букмекерлік кеңсесінде жүйелі негізінде «ставкалар» қоюды жүзеге асырған.

Осындай бұзушылықтар «Сырдария аудандық құрылыс, сәулет, және қала құрылысы бөлімі» коммуналдық мемлекеттік мекемесінің бас маманына қатысты анықталды.

Прокурорлық қадағалау актілері бойынша жоғарыда аталған Сырдария аудандық санитариялық-эпидемиологиялық бақылау басқармасының басшысы жұмыстан босатылып, бір лауазымды қызметкерге сөгіс түрінде тәртіптік жаза қолданылды.

Мемлекеттік қызметшілердің лудоманияға тәуелділігі тек жеке тұлғалардың мәселесі емес, ол қоғамның жалпы қауіпсіздігіне және мемлекеттік қызметтің тиімділігіне теріс әсер етеді.

Қазақстан Республикасының  заңнамасы мемлекеттік қызметшілердің моральдық-этикалық міндеттерін орындауына қатысты нақты талаптар қояды, ал прокурорлар мен құқық қорғау органдары осы мәселені шешуде маңызды рөл атқарады. Лудоманиямен күресу,  оның алдын алу әлеуметтік деңгейде кешенді түрде жүргізілуі тиіс.

Қадағалау  органы мемлекеттік қызметшілерге сыбайлас жемқорлыққа қарсы шектеулерді сақтамағаны үшін жұмыстан босату түріндегі тәртіптік жауаптылық туралы еске салады және қолданыстағы заңнаманың талаптарын сақтауға шақырады.