– Бүгінгі күні мемлекеттік қызметшілердің құмар ойындардан алшақ болуы өзекті мәселе. Осы бағытта бірқатар шаралар қабылдануда. Тиісті заңнамаға лудоманияға қарсы күрес бағытында бірқатар түзетулер, жаңа шектеулер енгізілді. Заң талаптары барынша күшейтілді. Құмар ойын мекемесіне барғандар тәртіптік жауапкершілікке тартылады, ал құмар ойынға қатысқандарды қызметтен босату қарастырылған, – деді Нұржан Ерділдәұлы.

Лудомания адамның жеке өміріне және қызметіне, экономикалық жағдайына орасан зиян келтіреді. Сондай шешімдердің бірі – мемлекеттік қызметкерлердің құмар ойынға қатысуына тыйым салу. Бұл қадам жемқорлық фактілерінің азаюына және қызметкерлердің қаржылық қиындыққа тап болуының алдын алуға үлкен ықпал етеді.

Жиын соңында әкімдер Әдеп жөніндегі уәкілге тақырып бойынша түрлі сауалдарын қойып, тиісінше жауап алды.