Әйел-аналардың қай заманда болсын өмірдің кез келген саласында өзінің лайықты орны бар. Біздің ардақты ардагер-ұстаздарымыз, аналарымыз, аруларымыз тек саланың алға жылжуына ғана емес, отбасының ұйытқысы және бүкіл қоғамды алға сүйреп, ел ынтымағын нығайтып, несібесін арттырып жүрген қуатты күш.

Ұрпаққа сапалы білім беру мен бала тәрбиесіне қашанда ұлт тәрбиесі деп қараған ұстаздарымыз балалық шағымыздың саналы болып қалыптасуына үлес қосуда. Сондықтан да ұстаздарға, әйел қауымына деген құрмет те, қошемет те, қолдау мен қорғау да мемлекеттік тұрғыда маңызды мәселе болып қала береді.

Сіздер қажырлы еңбектеріңізбен отбасының ғана емес, тәуелсіз еліміздің дамуына зор үлес қосып жүрсіздер. Қандай қиындық болса да мойымай, қайсарлықтарыңызды дәлелдеп келесіздер.

Әсем көктемнің шұғылалы мерекесі әрдайым қуаныш сыйлап, жүздеріңіз жайнап, айналаңызды шуаққа бөлей беріңіздер.

Сіздерге мықты денсаулық, ұзақ ғұмыр, отбасыларыңызға амандық, бақ-береке тілейміз!

Мереке құтты болсын!