Игі іс-шараға аудан әкімі Берік Сәрменбаев, аудандық партия филиалының төрағасы Ержан Әжікенов, облыстық мәслихат депутаты Жұмабек Ембергенов, «AMANAT» партиясының аудандық филиалының Атқарушы хатшысы Ақтөре Ибрагимұлы қатысты.

Аудан басшысы бастаған азаматтар еңбек ардагерін Республика күні мерекесімен құттықтап, зор денсаулық, мол бақыт тіледі. Сондай-ақ облыстың, ауданның қоғамдық-саяси, рухани-мәдени дамуына қосқан үлесін жоғары бағалап, мемлекеттік наградамен марапатталуымен құттықтады.

Өз кезегінде «Құрмет» орденінің иегері, қоғам қайраткері, партия ардагері Алмагүл Бақтиярова шексіз ризашылығын білдіріп, алғыс айтты.

Сыр өңірінің дамуына тілектес екенін жеткізіп, ақ батасын берді.