Жасұландықтар майдангердің батасын алды

«AMANAT» партиясының "Ардагерлерді ардақтайық" жобасы аясында және Жеңіс мерекесі қарсаңында "Jas Otan" Жастар Қанатының Сырдария аудандық бөлімшесінің басшысы Ақтөре Ибрагимұлы Ұлы Отан соғысының ардагері Яхия Тасыровқа сәлем беріп, ақ батасын алып, аталық өсиетін тыңдап қайтты.

Аудандағы Жастар Қанатының жетекшісі игі іс-шараға Талғат Қозыбаев атындағы №131 орта мектебінің оқушыларымен бірге қатысты.

Озат оқушылар майдангерге Жеңіс мерекесі, Тәуелсіздік туралы патриоттық әндер мен тақпақтар айтып берді.

Жеңіс туын желбіреткен жауынгер атамыз балалардың талабын жоғары бағалап, ризашылығын білдіріп, ақ батасын берді.

Жұмабек Ембергенов,

аудандық мәслихат депутаты,

«AMANAT» партиясының мүшесі