Биыл бекітілген Наурызнама он­күн­дігі бойынша бүгін – Жаңа­ру күні. Он күн бойына тұрғын­дар ұлттық құндылық пен адамгер­шілікке үгіттейтін атаулы күндер аясында түрлі іс-шараларға атсалысуда. «Жаңару» күні барша азамат­ты ортақ мақсатқа жету жолында бірігуге және ынтымақта болуға үндей­ді. Бұл күн ел өмірінде және әрбір қазақстандықтың өмірінде жаңа кезең­нің басталуын білдіреді. Бұл – алға жаңа мақсат қойып, өмірді жақсылыққа қарай өзгерту туралы шешім қабылдау уақыты. Бұл күні қоғамдық-саяси тұрғыда да «өмір­дің жаңаруын» бейнелейтін жаппай ағаш отырғызу іс-шарасы ұйымдастырылады.

Осы орайда өткен сенбі күні ауданымызда жаппай сенбілік ұйым­дастырылды. Санитарлық тазалық айлығы аясында аудан орталығында және елді мекендерде тазалық жұмыстары жүр­гізілді. Аудан көлемінде жүргізіліп жатқан жұмыстарға бар­­лық мекеме қызметкерлері біркісідей атсалысып, әрбір ұжым бөлінген аумақта, көшеде тазалық жұмыстарын қарқын­ды жүр­гіз­ді.

Аудан әкімі бастап аудандағы жаңа қоныстану аймағына тал егіліп, наурыз айымен бастау ала­тын сауабы мол іс жер-жерде жалғасын тапты.

Сондай-ақ ағаш егу ислам дінінде де үлкен сауапты іс саналады. Ер адамның өмірдегі ең үлкен міндеттері үй тұрғызу, бала тәрбиелеу болса, соның бірі – ағаш отырғызу делінеді.

Биылғы Наурыз мерекесі мұ­сыл­­мандардың қасиетті Рамазан айы­мен тұспа тұс келіп отыр. Жыл басы – наурыз айы тазалықтың, жаңарудың кезеңі болса, Рамазан айында жан тазалығы ғана емес, тән тазалығына, қорғашан ортаның тазаруына аса мән беріледі. Осы ретте ораза ұстауды сөрені артық заттардан тазартып, үйді, ауланы ретке келтіруден бастаған абзал.

Жалпы ислам – адамзатты тазалыққа шақыратын дін. Құранда және Пайғамбар (с.ғ.с.) хадистерінде тазалықтың маңызы жайлы айтылады. Жаратқан адамға көптеген нығметі аманат қылып берген. Соның бірі – табиғат деуге негіз бар. Ал аманатқа қиянат қылуға болмайтыны бесенеден бел­гілі.

Ислам – қоршаған ортаны қорғайтын қағи­­да­­­ларды 14 ғасыр бұрын баян­даған дiн. Ол за­­­­манда табиғатты қорғау мәсе­лелерi тұрмақ әлеуметтiк әрi эконо­микалық мәсе­ле­лер­дiң өзi қазіргідей қарастырылмаған еді. Ал аят-хадис­терде қоршаған ортаны қор­­­­­ғау ғана емес, оны бүлдiрмей таза ұстау жөнінде көп айтылады.

Қоғамға пайдалы болғымыз келсе, оны тазалықтан бас­тау орынды. Себебі, аула тазармай, аудан тазармайды. Ал ауданның тазалығын сақтау мен қалыптастыруға үлкен де, кіші де міндетті. Өйткені, тазалық – өмір сүру мәдениетіміздің ғана емес, күнделікті тыныс-тіршілігіміздің кө­ріні­сі.

«Тазалық – табал­дырықтан бас­талады» демекші, қоршаған орта­ның, туған өлкеміздің таза­лы­ғына жауап­кершілікпен қарау – әрбір азаматтың, әр тұр­ғынның басты міндеті. Қоршаған ортаны таза ұстау – мұсылмандарға түскен мiндет. Таби­ғат­тың таза­лығы – тіршіліктің тынысы әрі иманы­мыз­дың көрінісі. Ендеше туған жердің тазалығына бірге атсалысу қажет.